Sigurrós Einarsdóttir

Jæja, hvað skal nú segja?

Ég átti ágætis páskahelgi, eins og vonandi allir. Fór norður í Skagafjörðinn á föstudaginn langa, en á páskadag skrapp ég á Akureyri. Já, Ásta vinkona kom þaðan og sótti mig í sveitina, og datt okkur í hug að skreppa á rúntinn á Akureyri. Leikar fóru reyndar þannig, að við settumst inn á Kaffi Akureyri og eftir gott spjall þar, keyrði Ásta mig í sveitina aftur. Þannig að hún fór nokkrar ferðir yfir Öxnadalsheiðina 

Svo var fermingarveisla á annann í páskum og svo brunað í bæinn með viðkomu í Borgarnesi hjá pabba. Ég opnaði ekki páskaeggið, sem ég fékk frá leynivini mínum í leynivinaleiknum í vinnunni um daginn, fyrr en í gærkvöldi og skoðaði málsháttinn, sem nota bene var svo langur að ég man hann ekki  Og ég hafði enga lyst á súkkulaðinu, borðaði bara lakkrísinn sem var inní

En ég gerði samt eitt líka, aðfararnótt páskadags. Ég vaknaði bara um miðja nótt og lá andvaka eftir það... með lagstúf á heilanum... sem mér tókst ekkert að losna við. Ég samdi við hann texta í huganum og til þess að ég gleyndi honum ekki, pikkaði ég hann inná gemsann. Ég gat svo ekki vistað textann í símann, nema að senda mér hann í sms, s.s ég sendi sjálfri mér sms og við það vakti ég folann við hliðina á mér sem var nú ekkert par ánægður með mig hahahaha  En þessi texti er sá albesti sem ég hef samið.

En jæja, ég hef þetta ekki lengra í bili.

... Já, eitthvað svoleiðis er í gangi í vinnunni núna og ég er svoleiðis að hafa gaman að þessu, kannski oooooof gaman  En þetta er víst til siðs, í viku fram að árshátíð. Ég fékk gjöf frá leynivini í gær, en ekki í dag.. sem styður þá kenningu mína að sá sem hefur mig að leynivini... er strákur híhí

Ég ætla ekkert að uppljóstra hvað ég hef verið að gefa í gjafir, maður veit nefnilega aldrei hver les þetta blogg mitt.. en ég segi frá því þegar leiknum er lokið, en leynivinirnir verða uppljóstraðir á árshátíðinni.

Ég reyndar fer ekki á árshátíðina. Af hverju ekki... er stór spurning sem ég kann ekki almennilega svar við. En í þess stað ætlum við karlinn einhverntímann á næstunni að fara út að borða og hafa það þannig huggulegt.

En ég hef þetta ekki lengra í bili....

Jæja, eins gott að ég er ekki flokksbundin.. hehehe, skipti um bloggsvæði hægri og vinstri En það á sér þá skýringu, að ég er með svo hrikalegt minni að ég steingleymdi hvert lykilorð mitt er inn á síðuna mína á bloggar.is. 

Svo hef ég beðið í rúna viku eftir svari frá einhverjum sem með það batterí hafa, til að fá upplýsingar um hvað ég eigi að gera til að komast á síðuna aftur, en þeir s.s hafa ekki haft fyrir því enn að svara mér með það og á meðan svo er... þá hef ég ekki áhuga á að vera með síðuna mína þar og ákvað að prófa þetta kerfi. Mér reyndar finnst það flóknara í meðförum... á kannski ekki að vera það. Ég er enginn kvartviti, en maður fær það á tilfinninguna... og mér hefur virst, sem að fólk sem bloggar á moggablogginu sé fluggáfað, þannig að ég hlýt þá að fá eftir einhverja reynslu hér.. vit og visku.. hehehehe.

En ég bið ykkur sem kunnið að lesa þetta, að sýna biðlund á meðan ég læri á þetta, það ætti vísast til, ekki að taka einhvern svakalegann tíma